mandag 23. desember 2013

ENKEL JULEPYNT


I år har eg gått for litt enkle
variantar når det gjeld julepynting.
Granbar og rognebær synest eg gjev fin julestemning.
I haust bugna det av rognebær og eg plukka ein del og putta i frysaren.
No har eg teke opp nokre av klasane og brukt i lag med
granbargreiner.
 Den gamle kjøkenvekta er enkelt pynta til jul.



 Norgesglas er både praktisk og dekorativt.
Her har eg brukt det som oppbevaring av pasta og småkaker.
Ei gammal trekasse fungerer som hylle.



 Den gamle bærplukkaren har og fått 
nokre kvastar til pynt.



 Eit par fine gaflar frå bruktbutikken
kan verte eit dekorativt 
innslag.

Leitar ein litt i skuffer og skap
kan ein finne mykje som kan brukast berre ein 
brukar litt fantasi. Heilt unødvendig 
å kjøpe nye ting!!



 Ei glaskrukke fylt med litt forskjellig
 gjev ei fin effekt.



 Denne gamle nisseskåla falt eg for då eg fann den
på bruktbutikken. Og sidan den kosta berre 20 kr var det ikkje så vanskeleg
å bestemme seg:) Fin til bl.a clementiner.


Englekoret mitt har vakse sidan sist eg viste det.
Alt på bildet er bruktfunn unnateke dei to største englane
som begge er gåver frå tidlegare.


Her er det meste klart til jul.
Etter ein hektisk dag på jobb i dag er det godt å 
no kunne senke skuldrane og legge beina høgt og vite at eg har
fri nokre dagar! Dei skal nytast!!


Ønsker alle mine lesarar, kjente og ukjente
ei retteleg god jul!

Takk for at du kikar innom til meg:)

Varme helsingar
frå Alva.


torsdag 19. desember 2013

STALL AV REKVED


Sist eg var på bruktbutikken
fann eg desse fine figurane til julekrybbe.
Dei er i veldig god stand, ser nesten ubrukte ut og låg enno 
i orginaleska. På eska å bedømme er dei frå 80-90 talet, ikkje så veldig gamle
altså men utruleg fine likevel!

 
Figurane måtte få seg ein stall
elles hadde det ikkje vorte ei skikkeleg julekrybbe:)
Og då er det veldig kjekt å ha ein handyman som berre kleiar i fingrane
etter å ta fatt. Hadde liggande ein god del rekved etter sanking for ei tid tilbake og
 det kom godt med no. Stovebordet vart fylt opp med pinnar og fjøler og detaljert arbeidsteikning
 vart laga. Og ein dag eg kom frå arbeid sto stallen ferdig!
Synest den vart kjempefin!
Flinke mannen:))

(Hadde eigentleg tenkt å prøve og gjere det sjølv,men med slik iver han viste
tenkte eg at han kunne få gjere det og så kunne eg heller gjere noko anna)

Det fanst nok ikkje lyslenker 
på den tida Jesus vart fødd, men synest likevel det gjorde seg med lys inni stallen.
Fann ei bittelita batterilenke på Jernia og den passa heilt pefekt.

Figurane er så fine og detaljerte.
Halmen er frå eit julenek kjøpt på Plantasjen.
Er kjempefornøgd med
resultatet!

Det er så kjekt når ein finn slike godbitar
til ein rimeleg penge! 75 kr. kosta figurane og 29kr. for lyslenka
så det kan ein ikkje klage på!

Det nærmar seg jul med stormskritt!
Ser det er veldig stille i blogglandia så eg reknar med
dei fleste er opptekne med dei siste
førebuingane.

Håper de har tid til å senke 
skuldrane innimellom! Jula kjem uansett;)
Ønsker deg fine førjulsdagar vidare!

Helsing Alva

mandag 16. desember 2013

SNICKERSKONFEKT

.
Søtt og salt er ein uslåeleg 
kombinasjon synest eg. Så då eg kom over 
oppskrifta på denne snickerskonfekten måtte den berre prøvast.

 No er eg slik at eg gjerne må lage min eigen vri 
og her er det intet unntak! Konfekten er laga ut i frå denne oppskrifta
men i staden for å trykke den ut i ei form trilla eg ut kuler.
Eg tok også litt mindre peanøtter og tilsvarande
meir cornflakes.


 I tillegg dryssa eg litt maldonsalt på toppen.
Å du himmel og hav noko så godt! Mmmmm!! Så no har eg ein ny porsjon
på gong, men denne gongen trykker eg dei ut i form 
fordi då går det litt raskare.

Og så reduserte eg 
litt på sukker og sirupmengda for 
dei vart litt i søtaste laget
synest eg.


                                              Nokre har eg pakka i cellofan og putta i slike 
kjekke glas frå Europris. Glasa er rimelege og supre til gåver 
med heimelaga godsaker i.

Nokre har eg lagt i ei billig skål frå bruktbutikken
og pakka i cellofan frå Plantasjen. Koselege små gåver
til dei som har det dei treng frå før:)

Har laga litt forskjellige
etandes gåver i år. Får sjå om ikkje eg kan få
lagt ut nokre fleire her på bloggen. Problemet er berre at det
er ekstremt dårleg fotolys for tida. Likar ikkje så godt blitzbilde
og utan blitz vert bilda gjerne gule og kornete når
dagslyset er så dårlig.

Vi har veldig mykje vêr for tida.
Den eine stormen avløyser den andre, det er regn og torevêr
og ikkje mykje julestemning  å skryte av!

Håper du har julestemning hos deg!
Ønsker deg gode førjulsdagar vidare, husk og
trekke pusten av og til;)

Helsing Alva


tirsdag 10. desember 2013

PRIKKEDILLA


Eg har visst fått prikkedilla!
På raudt og kvitt vel å merke.....
Heile kjøkenkroken min er full av prikkar!

 Slike sopp-lysestakar likar eg så godt!
Desse fire pluss dei to lavaste på bildet under fekk eg sikra meg på qxl.
Skikkeleg nostalgiske desse:)







Sjølvlaga prikkehjerte i stoff frå 70-talet.....



 Prikkeskål med små tomatar i og ein praktisk brettepose i prikkestoff
til diverse ting og tang (fyrstikker, vitaminer osv.) Også heimelaga - sjølvsagt!

(Mannen: Ååå har du kjøpt ny skål!
Eg: Neeei... den har vi hatt i mange år....har ei til maken, desse har vi alltid
ståande framme i jula.
Mannen: (litt usikker) Åååå ja no huskar eg....
Ja særleg..... tenkjer eg...... du har nok ikkje peiling.....!)

Prikkete kakeboksar - gamle begge to... 
Og jammen så fann eg prikkete serviettar på Kid i dag!
Det måtte eg sjølvsagt ha med meg heim 
til mitt prikkete kjøken:)



Ser at eg gløymde å endre teksta på tavla....
Tenkte det skulle stå noko meir passande der no når det 
nærmar seg jul.

Hi hi, vart det litt i meste laget med prikkar dette, kanskje? 

Ha ein fin kveld, 
med eller utan prikkar;)

onsdag 4. desember 2013

Kyrkje,englekor og litt advent:)


Eit av mine beste bruktfunn
må vere denne julekyrkja  som eg fann på loppis i haust!
Hadde lenge vore på jakt etter ei slik kyrkje og det er vel det næraste eg har vore
hjertestans då eg fekk auge på den bak eit bord. Då sto eg bom fast i ein tett trengsel langt ut på
golvet og måtte kjempe meg fram med dei spissaste olbogar eg nokon gong har hatt! Eg heldt pusten og håpa inderleg ingen andre snappa den framfor nasa mi! Det gjekk heldigvis
bra og den vart mi til den nette sum av 30 kr.!

Og då eg for eit par dagar sidan såg at det
 gjekk ei maken for 550kr på QXL forstod eg at eg hadde gjort eit kupp!
Og eg er så fornøgd med den! Den vesle samlinga mi med porselensenglar frå bruktbutikken 
dannar eit lite englekor. Trur eg må avgårde og sjå om eg finn nokre fleire.


Synest dei er så søte desse små englane i porselen.







Dei skjøre julekulene eg skreiv om tidlegare har fått
plass på eit glasfat med ei osteklokke over seg. Alt på bildet er bruktfunn.
Osteklokka skal visst vere veldig gamal. Trur desse kulene vert 
liggande her for jammen greidde eg å knuse den siste av
 dei gyldne også! Skulle henge den på ei grein då  
klypa med opphenget som går nedi kula 
spratt ut og kula gjekk i knas.
Ergrelig!!




Den flotte terrinen frå Stavangerflint er også frå bruktbutikken.
 Har fylt den med lilla sviblar og litt naturmateriale.
Sviblane må ut av huset så snart dei kjem
i blomst sidan eg ikkje toler
lukta av dei.



Slik vart adventsdekorasjonen i år:)
Fuglen i midten er eit av mine nyaste bruktfunn.
Den har ein make også, men vart litt i meste
laget med to nedi der.


Elles har det vorte fint lite gjort av juleforberedelsar.
Energinivået er ganske lavt for tida sidan Jon Blund er sterkt fråverande.
Men det vert nok jul tilslutt likevel:)

Ute ular det rundt husveggen
og haglet piskar mot ruta. Lyn og tore har det vore også.
Godt å vere i hus!!


Takk for alle koslege kommentarar
på innlegget om dei søte kjolane frå barndomen:)


Ha det fint du som kikar innom meg;)

Helsing Alva

torsdag 28. november 2013

KJOLAR FRÅ MIN BARNDOM


 Sidan det snart er jul og mange
 har kjøpt eller skal kjøpe kjolar til småjentene sine så tenkte eg 
at det kunne vere artig å vise nokre av kjolane frå
 min barndom på 60 og 70 talet.


 Dette er det som vart kalla ei bondepikedrakt.
Den har rett nok ikkje vore min, men yngste syster mi sin.
Og den er like fin i dag som då den var ny!



 Her er ein variant.
Denne er nok litt eldre.



 Når vi fekk på oss plisséskjørt og kvit bluse
var vi sååå fine! Og med kvit krimplene-strømpebukse
og lakkskoa(som alltid var litt for trange)på
då vart det jul!

Sjekk den søte klehengaren då!
den er også gammal:)





 Denne neonrosa polkadott-kjolen fekk eg til mi eldste
syster sin konfirmasjon i 1971. Dette trur eg må vere den finaste
kjolen eg nokon gong har eigd! Kanskje min eigen konfirmasjonskjole var litt finare
for den var heilt fotsid, hadde puffermar og masse strikk i livet!
((Burde kanskje vist fram den også:) ))


Her er eg med den prikkete kjolen i konfirmasjonen
 til storesyster (ho som skrøna til meg at ho har vore på Bloksberg)
Lillesyster har på seg bondepikedrakta frå første bildet.
Konfirmanten har tidsriktig lårkort kjole og kunstferdig oppsett hår.
Natta før måtte ho sitje i senga og sove heile natta gjennom for ikkje å øydelegge frisyra:)
På beina hadde ho kvite leggisar som best kan forklarast som støvlettar der skaftet var som 
ei strømpe i eit eller anna tynt og merkelig stoff. Huskar at det var ein mann som 
trudde ho hadde gips på begge beina i allefall:)

Dei to gamle damene på bildet er oldemødrene våre.


Måtte le då eg tok bildet ut av albumet for å scanne det -
på baksida hadde eg skreve "Familien Flint, konfirmasjonen til R. 1971" !
Hi hi, ja vi var nok litt sånn familien Flint av og til!
(Hmm....er vel litt sånn endå også kanskje.....)




 Nydeleg sommarkjole i fantastiske fargar!
Veldig vanskeleg å gjengi rette fargar, den er nok meir turkis
enn det ser ut og det grøne er ikkje fullt
så neon.



 Til denne søte jakka var det også eit plissékjørt
men det har ikkje kome for dag endå. Den er bittelita og sydd
av mi mor som påstår at ho ikkje kan sy! Tull og vas seier eg - ho sydde dei finaste
plagg til oss! Men ho seier at ho gjorde det fordi ho måtte og ikkje 
fordi ho likte det. Og takka vere at ho måtte sy vart mi 
interesse for sying vekt. For eg kunne sitje 
på kjøkkenbordet i timevis og 
sjå på:)



Har du sett noko så søtt som denne kåpa!
Det viser ikkje så godt men den er pepitaruta i svart og kvitt.
Veldig fint med dei raude detaljane! Det manglar
visst nokre knappar ser eg:)

Trur dette var lillesyster si.


Håper du likte denne reisa i tid og mote!
Eg har i allefall kosa meg i gjensynet med barndomen:)


søndag 24. november 2013

Nissemor og nissefar pyntar juletre:)


Ein tur på bruktbutikken 
i går gav verkeleg bra uttelling!
Lenge sidan eg har funne så mykje brukbare stoff:)
Fekk rett nok ikkje den store hjertebanken, men mykje fint likevel.
 Det nærmaste eg kom hjertebank var då eg fann tre 
bitar av dette stoffet med nissefar og nissemor som pyntar juletre!
Små bitar, men akkurat passeleg på ei julestrømpe:)
Synest den vart veldig fin eg;) Denne går
rett inn i nettbutikken, så løp
og kjøp om du likar!

Du finn den HER.


 Her ser du størrelsen på biten.
Så bra at det ikkje vart kasta men levert på bruktbutikken
slik at eg fann dei der :))



 Fann litt anna snadder også....har planane klare for det meste her.
Det skal bli vesker av nokre av stoffa.
Lerretstoffet med brune striper
er berre så fint!

 Fann også eit par fine brokadestoff.
Veldig vanskeleg å gjengi rett farge på det lilla,
det rette er syrinlilla. Ser føre meg at det kan vere fint til toalettmapper.

  Dette er kremfarga og ikkje beige. Bilda er tekne i dårleg lys....
(Det snør det snør....)



Synest dette var eit morsomt stoff.
Fann ein god bit av det.


Kjekt å finne slike godbitar -
det gir ny inspirasjon og masse sylyst!
Handa fungerer bedre og bedre, men slit med klipping.
Så  difor brukar eg skjerekniven i staden for saksa, og tape i staden for knappenåler:)
Gjeld å innrette seg best ein kan....... fungerer det;)
Har til og med prøvd meg på strikking,
det gjekk greit, men hekling
går ikkje endå.

Er også tilbake i jobb igjen,
går bra det og:)


Ønsker deg ei fin og kreativ veke!

Helsing Alva.


fredag 15. november 2013

SØT JULESTRØMPE


Sidan eg var så godt i gong med sying igjen og sykløa fortsatt var sterk tok eg like godt
 og sydde ferdig julestrømpa som eg hadde planane klare for allereie!
Med litt klippehjelp frå min bedre halvdel gjekk det
fint å få det til:)

Det er jammen ei utfordring å få til fine bilde med slikt dårleg dagslys vi har for tida!
Grå og kornete bilde er ikkje fint, men slik vert det no om dagen....
Vart veldig fornøgd med strømpa. Vurderer om eg skal
selge den eller behalde den sjølv.....
Må tenkje på det....



 Den passar veldig godt her på knaggen på hylla mi då, i lag med den 
prikkete pynten eg brukar å ha der.
(har ikkje pynta til jul endå - berre for fotografering)



 På hempa for oppheng har eg brukt ein vintage knapp som pynt.



 Marta i farta har eg lyst å kalle denne herlege retrojenta på den kule kjelken:)
Denne brikka har nok vore på ein kalender eller noko slikt, for det
var nokre stiftar på den. Tippar den er frå tidleg 70-tal,
den minner meg om ting eg hadde som barn.
Diggar den!!!



Sidan lyset var så dårleg inne måtte eg prøve å ta bilde ute også.
Veldig tøft med rekvedfjøler som bakgrunn mot
den grove linen!


Det er sååå kjekt å vere kreativ igjen - 
 storkosar meg  på syrommet når eg held på der!
Desverre er det litt begrensa kva eg får til endå så det lyt bli dei små
prosjekta eg satsar på framover. Klipping av grove stoff er umulig endå, så alle vesker
eg har planar om lyt nok vente ei stund til. Tålmod er ikkje mi sterke
side, men her har eg ikkje noko val....viss eg ikkje
 skal hyre meg ein klippar då;)


***********

Så var det jammen meg helg igjen!
Herlighet som dagane flyg! Midt i november allereie...
og berre ein god månad til sola snur!
Gled meg allereie:)

Ute bøttar det ned med regn og innimellom bles det skikkelig! Det er visst Hilde som er på ferde;)
Perfekt ver til å kose seg inne på ein fredagskveld:)
Og snart er det Voice!

Takk for at du tok turen innom bloggen min
og god helg til deg!

Helsing Alva.

tirsdag 12. november 2013

EIT HYGGELEG GJENSYN:)


I dag har eg hatt eit hyggeleg gjensyn med mi gamle symaskin!
Tenk at den er 33 år gammal og kjøpt for pengane eg fekk att på skatten for første gong!
Den var bra dyr, heile 5500kr. gav eg for den, og det var mykje pengar på den tida.
Men jammen har eg fått valuta for pengane, for betre symaskin skal ein leite lenge etter!
Den går framleis som ein draum - hadde faktisk gløymt kor god den er!
Sakna sjølvsagt ein del tekniske finessar som er på den nye.... som nåletreing (synet er ikkje lenger 
som det var) automatisk nålestopp, senking av nåla med pedalen osv...
men eg vil påstå at denne maskina er betre å sy på enn den nye! Og så går den mykje stillare
og er stødigare (så veg den ca.10 kg også då...)
Skikkeleg solide saker desse gamle symaskinene!

Det er 5-6 år sidan eg kjøpte meg ny og sidan har eg ikkje brukt denne.
Men no vart sykløa altfor sterk (hi hi ) og sidan den andre er på service enno måtte eg fram med 
denne gamle, velbrukte og trufaste maskina mi:) 


Så då fekk eg sydd ferdig denne blusen som eg klipte i forrige veke.
Ekstemt dårleg bildekvalitet, men i dag har det knappast vore dagslys her.



Her er putetrekket blusen er laga av.
Fekk akkurat nok stoff. Blusen er str. 4 - 5 år.

Fantastisk kjekt å sy litt igjen, det gav absolutt meirsmak!
Syinga gjekk ganske greit, det er klipping som er litt problematisk.
Men det går seg vel til det også etterkvart:)

Ønsker deg ein fin novemberkveld:)


fredag 8. november 2013

Langt inni skogen den grøne....


Denne veka har det vore mange fine dagar!
Mannen og eg har vore ute og gått tur kvar dag i det fine turområdet vi har.
Ein av dagane måtte kameraet vere med.

 Denne plassen i skogen er favorittstaden!
Mosen er irrgrøn i den tette granskogen og solstrålane kjempar seg inn mellom granleggane.




Her kunne eg ha vandra rundt i timevis!
Her er så fredeleg og godt å vere....her finn eg ro i sjela....


 Får mest lyst til å leggje meg i den grøne mosen og nyte freden og roen.....
Brukar å trekkje pusten djupt nokre gonger når eg kjem hit... trekkje inn den gode
lukta av skog, mose og natur. Fylle lungene med den friske og reine lufta
vi er så heldige å puste inn. Kjenne at det er godt å leve. Vi snakka om det eg og mannen...
kor heldige vi er som får oppleve dette......... kor godt vi har det. Ingenting er sjølvsagt.........
Vi har brukt godt desse vekene eg har vore sjukmeldt.  Det har vorte mange turar i lag.
Det gjev påfyll og styrke til dagar som ein gong måtte kome.....
Dette kan vi leve lenge på!


 Naturens kunstverk.












Med desse bilete og tankar vil eg ynskje alle ei god helg!
Husk og nyt dagane og ta vare på
kvarandre!


Klem frå Alva.