lørdag 25. januar 2014

COKE - OLD KENTUCKY


Her kjem ei veske til
frå veskefabrikken! Håper de tåler å sjå fleire:)
Denne er laga av resten av skjørtet frå forrige innlegg.
Dongeriskjørtet hadde ei meget sømmeleg lengde - langt under knea,
nærare midt på leggen tenkjer eg.
Dette vart ei litt annaleis veske enn 
dei to andre sidan her ikkje var linning og gylf.
Ei baklomme frå ei avlagt bukse gjer nytte som lomme på veska.
Teikna av ein blome frå stoffet eg brukte til fôr
og applikerte den på til dekor.


 Sydde først ferdig veska utan dette bandet øverst.
Men synest den vart litt kjedeleg så eg grunda ei stund på kva eg skulle finne på.
Så kom eg på at eg hadde liggjande dette bandet og tenkte at det kanskje
passa til. Og det gjorde det absolutt synest eg!



 No er vel ikkje coke noko som passar seg
å gå rundt og reklamere for sånn normalt sett, men sidan bandet 
er frå midten av 70-talet let eg det passere. Det var eg sjølv som kjøpte det
og brukte det til å forlenge ei bukse med. Huskar eg hadde det nederst 
på ei dongeribukse med megasleng på!

Googla ordet coke 
og det har fleire tydingar. Det vert brukt
i forbindelse med cola, slangutrykk for kokain, koks og
  så er det eit fylke i Texas som heiter Coke County.
Alt dette kan du lese meir om her

Kva meininga er på dette bandet veit eg ikkje,
men eg får iallefall assosiasjonar til
  Coka Cola når eg ser det...



Det heilt perfekte fôr her var ein
 løpar av nyare dato som hadde fått ein skjemmande flekk.
Den vart kamuflert bak lommene.

Nok ein gong har eg laga ei 
veske heilt etter min eigen smak og mine fargar!
Må visst slutte med det for det vert så aldeles freistande å
behalde dei sjølv! 


Ønsker ei fin helg til alle
som kikar innom! Takk for alle fine 
kommentarar på veskene mine:)
Veldig inspirerande!

Klem frå Alva.

3 kommentarer:

  1. Jeg synes det er er gøy å følge med på veskeproduksjonen din. Denne var jo også kjempetøff med det båndet. Morsomt å høre om slengbuksa di - hadde vært gøy å se et foto av deg i den fra da :)
    Fortsatt fin helg til deg :)

    SvarSlett
  2. Super veske !!!
    Du er eit unikum !
    Takk for gode ord til oss.

    Klem frå Anne-Mari

    SvarSlett
  3. Fin gjenbruksveske:) Du er no jammen flink med dette.

    SvarSlett

Kommentarar gjer meg kjempeglad!

På grunn av veldig mykje spam måtte eg desverre stenge av for anonyme kommentarar. Vil du meg noko kan du berre sende meg ein mail på postkjellaren@hotmail.no