søndag 12. januar 2014

VESKE AV GAMMALT ULLSKJØRT


Som eg skreiv i forrige innlegg
har eg hatt litt problem med å kome i gong med syinga igjen.
Følte at motivasjonen mangla. I helga har eg prøvd å gjere noko med det.
For å motivere meg sjølv leitte eg fram nokre stoff som eg har hatt ein plan for sidan i haust.
Og det virka! I løpet av helga har eg ferdigstilt fleire av desse prosjekta
og eg må sei at eg er meir enn fornøgd med meg sjølv:)


 Denne veska starta eg rett nok på for nokre dagar sidan
og i går vart den ferdig! Og eg er kjempefornøgd sjølv om eg måtte gjere
nokre endringar undervegs. Når ein held på med gamle tekstilar kan ein få seg nokre 
overraskingar. Skjørtet var fora med silkestoff og det hadde eg tenkt å bruke som for i veska.
Men då eg byrja å klippe oppdaga eg at det var fullt av bittesmå hol i det så då måtte eg 
fjerne heile foret. Oppdaga også eit lite hol midt på magen difor applikerte
eg på ei stjerne der. Ser i ettertid at eg skulle trekt den 
litt lenger ned.....


Fargen på øverste bilde er heilt feil -
den er noko rettare på bildet over, men ikkje heilt der heller.
Fargen er heilt nydeleg i mine auge, aqua eller grønturkis vil eg kalle den.
Helst ville eg brukt skjørtet som det er, men sidan eg verken er nokon utprega skjørteperson
eller sylfide valgte eg å lage ei veske i staden. Og sjølvsagt har eg lyst til å
behalde den sjølv - veskegal som eg er, men trur nok eg kjem til å 
selge den. Noko må eg ha med meg til Postkjellaren!
(Veska i forrige innlegg har eg selt allereie)



 Gløymde å ta eit skikkeleg førbilde av skjørtet
men her er i allefall eit av nesten heile. Sidan det var eit miniskjørt
trur eg nok det er frå 70-talet. I utgangspunktet hadde eg tenkt å ha glidelåslukning på veska
men ombestemte meg undervegs. Laga ein rouleau til hempe og brukte ein lekker 
vintage knapp til å lukke med. Veldig fornøgd med det valget.



Leitte lenge i stofflageret mitt for å finne eit
passande stoff til for - ville helst bruke eit frå omlag same tidsepoke
men det fann eg desverre ikkje. Eg er litt rar når det gjeld å finne stoff til for - det vere
rett i mine auge. Ikkje nødvendigvis matche, men det må vere rett. Kan ikkje
forklare det nærare - veit det med ein gong eg finn det rette.
Og det rette denne gongen vart eit ganske nytt
stoff frå Stoff og Stil.

(Jada, eg veit eg er litt rar, hi hi)


 Laga ei lita lomme med to rom - den eine med glidelås.

Som ein liten kuriositet beheldt eg 
 glidelåset i sida på skjørtet slik at det viser kva det har vore.
Hankane er laga av det eg klipte av nederst på skjørtet. Absolutt alt på skjørtet er brukt, 
det einaste eg løyvde var opplegget nede:)


Veldig kjekt prosjekt, men litt tidkrevjande sidan
eg ikkje brukte noko mønster og vegen nærast vart til mens eg sydde:)
Og sidan eg er litt av ein petimeter vel eg sjeldan lettvinte løysingar, alt skal gjerast
skikkeleg elles kan eg ikkje selge eller gje frå meg med godt samvet.

Dei andre tinga eg laga i helga
lyt eg vise i neste innlegg for dette vart visst
langt nok no:)

Takk for dei oppmuntrande ord
og hyggelege kommentarar på forrige innlegg -
det varmar:)

Og velkomen til ny følgjar,
lenge sidan sist nokon la seg til no, så det var 
ekstra kjekt! Håper du vil trivast
her inne:)

Klem frå Alva


5 kommentarer:

  1. Et kjempeflott prosjekt - liker godt at du sparte glidelåsen. De fine sømmene på skjørtet ble også fin pynt på skjørtet. Gleder meg til å se det andre du har sydd :) Fin ny uke til deg :)

    SvarSlett
  2. Du er berre så kreativ !
    Det vart ei kjempefin veske, og så av eit skjørt då ,
    Artig å sjå alt du finn på :-)

    Nattaklem frå Anne-Mari

    SvarSlett
  3. Så ttevligt att ramla in på din blogg! Jag gillar verkligen din väska😊

    SvarSlett
  4. Superflott gjenbruk! :) Og veldig fint innerfôr :)
    Og eg diggar stolen på det øverste bildet - den må du vise meir av :)
    Ei fin vinterveke til deg og dine :)
    Klem, Kristin

    SvarSlett
  5. Så flink du er! :D Denne likte jeg, samme med veska under. :D

    Du burde vise det frem på OppussingsOnsdag hos meg. ;) Det er jo en omgjøring. ;)

    SvarSlett

Kommentarar gjer meg kjempeglad!

På grunn av veldig mykje spam måtte eg desverre stenge av for anonyme kommentarar. Vil du meg noko kan du berre sende meg ein mail på postkjellaren@hotmail.no