torsdag 29. mai 2014

Rabarbra.


No er det høgsesong for rabarbra
og då naboen kom på døra med ein heil plastpose full
måtte eg berre legge alle andre gjeremål til side.

 Eg er veldig glad i rabarbra og har prøvd fleire gonger
å få det til å vekse i min eigen hage. Men det går berre ikkje....
dei trivast rett og slett ikkje her same korleis eg prøver
Så no har eg gitt opp.

Difor var lukka stor då nabokona fortalde at ho 
hadde rabarbra i massevis  i hagen ved sommarhuset sitt og ville få mannen som 
var der ein tur til å ta med til meg.


Det første eg laga var ei kake til kaffen idag.
Det finst eit utall av oppskrifter men eg fall for den eg har brukt her fordi
 rabarbraen skal kokast møyre i sterk bringebærsaft. 
Og bringebærsaft har eg heldigvis ståande
frå eigen produksjon.


 Slik såg kaka ut før den vart steikt.
Eg kokte nok rabarbraen litt lenge for nokre bitar gjekk litt i stykker.
Den fekk veldig fin farge pga. safta.


 Og slik ser den ut etter at den er steikt.
Sjølv om eg brukte meir rabarbra enn det som står i oppskrifta synest eg det vart litt lite. 
Så neste gong vil eg bruke litt meir og kanskje trykke rabarbraen litt 
ned i røra slik at kaka vert litt saftigare.

Her er oppskrifta eg brukte:

 RABARBRAKAKE:
1dl. konsentrert bringebærsaft
1/2dl.vatn
Ca.250g. rabarbra (bruk meir!)
150g.smør/marg.
2egg
2dl.sukker(eg brukt 1 1/2 det vart søtt nok)
1dl.fløtemjelk(matfløte/kaffefløte)
4dl. kveitemjøl
2ts.bakepulver
1 1/2 dl. hakka mandlar
perlesukker.
Kok opp saft og vatn. Skjær rabarbraen i 3cm.lange bitar og la dei trekke i safta til dei er møyre men ikkje kokt i stykker(pass på, det gjekk fort) Avkjøl og legg i ei sil for avrenning. Smelt og avkjøl smøret. Visp egg og sukker til eggedosis. Hell i smør og fløtemjelka. Bland mjøl og bakepulver og vend det i. Rør i halvparten av mandlane. Hell røra i ei rund form ca. 24.cm. Legg rabarbraen oppå og strø over resten av mandlane og perlesukker. Steikast ved 175 gr. 35-40 min.


Med ei kule vaniljeis eller ein klatt piska krem til 
vert det ekstra godt!
Nam nam!

(Og ja, eg har endeleg greidd å få tak i nokre koppar grønn Sissel frå Figgjo!
Er så glad i desse koppane og kaffen smakar utruleg godt i dei...
og det er ikkje tull eingong!)



 Det neste eg laga var rabarbrakompott.
Den vart aldeles nydelig!
Brukte oppskrifta frå matstellboka mi 
frå eg gjekk på skule på 70 talet:

750g.rabarbra
1/2 l. vatn
1/2 - 1 dl. sukker.
---------------
1barneskei potetmjøl
1ss.vatn
Rens og vask rabarbraen. Skjær den i ca.2cm lange bitar. Kok opp vatn og sukker. Legg i rabarbraen og kok den så vidt møyr. Ikkje kok i stykker! Legg den kokte rabarbraen i ein bolle. Lag jamning av potetmjøl og kaldt vatn. Tilsett jamninga i sausen under stadig omrøring. La det få eit oppkok og hell over rabarbrabitane. Avkjølast.

I tillegg så brukte eg resten av safta som rabarbraen eg brukte til kaka hadde kokt i så det gjorde 
nok sitt til at den vart ekstra god.Kokte nok rabarbraen litt lenge her også..........men slik går det når ein styrer med mange ting på ein gong.....hi hi......



 Med fløtemjelk på vert det fantastisk godt!


Tilslutt vart det ein kjele med rabarbra og aprikossyltetøy. Knallgod den også. Oppskrifta laga eg sjølv undervegs.Når ein har laga syltetøy gjennom så mange år som eg har gjort
bryr ein seg ikkje så mykje om å følge oppskrifter lenger.


Eg brukte ein pakke tørka arikoser som eg la i bløyt ei stund.
Delte dei opp i mindre bitar og kokte dei nesten møyre i litt vatn før eg tilsette 1 1/2 kg rabarbra delt i 1cm.lange bitar og kokte til alt var møyrt. Tilsette så 700g. sukker blanda med ein pakke certo syltepulver. Hadde eg hatt fersk ingefær i hus hadde eg kokt det i lag med. I staden brukte eg ei kanelstang som også gir ein fin og litt eksotisk smak.


Og endå er ikkje posen med rabarbra tom  -  resten får nok gå i 
frysaren til seinare bruk.


3 kommentarer:

  1. Oj, oj - så mye godt du har laga av rabarbra. Jeg husker varme sommerdager som lita - å få en bit rabarbra og et lite eggeglass med sukker i - lykke :)
    Det serviset er virkelig nydelig - jeg ser aldri slike kopper på loppemarked. Veldig sjeldne nå til dags.

    Masse lykke til med den store begivenheten - det ser ut til å bli fint vær :)

    SvarSlett
  2. Upps, der for alt eg hadde skrive....
    Her var mykje godsaker av rabarbra.
    Eg laga rabarbrasuppe som kan stå i kjøleskapet i dagevis, og er god å leske seg på.
    Det minner om far min som kokte sjølv etter han vart åleine.

    God helg, helst utan skodde !
    ps. eg og mannen min åt lunsj hos fru Svendsen sist tirsdag,
    spurde etter deg :)
    Klem frå Anne-Mari

    SvarSlett
  3. Hei!

    Bloggen din har fanget vår oppmerksomhet på grunn av kvaliteten av oppskriftene. Vi ville bli glade hvis du ønsker å bli med i Alleoppskrifter.no, slik at vi kunne koble til den.

    Alleoppskrifter er en søkemotor som samler de beste norske matlaging nettsteder og blogger fra Internett.

    Flere hundre blogger er allerede registrert her og dra nytte av den trafikken vi sender til sine blogger og nettsteder.

    For å bli med Alleoppskrifter, bare gå til http://www.alleoppskrifter.no/ga-med-i-matbloggtoppen

    Ha en fin dag!

    Vennlig hilsen,
    Elin
    Alleoppskrifter.no

    SvarSlett

Kommentarar gjer meg kjempeglad!

På grunn av veldig mykje spam måtte eg desverre stenge av for anonyme kommentarar. Vil du meg noko kan du berre sende meg ein mail på postkjellaren@hotmail.no