lørdag 2. august 2014

Loppistur til Sverige

Mandag drog eg og mannen 
på ein liten ferietur til Sverige. Målet var å besøke svoger
og svigerinne som har sommarbolig i Sandviken eit stykke nord for Stockholm.
Men mange loppisbesøk sto også på ønskelista vår
 og det vart det heldigvis tid til.

I Sverige er det massevis av loppisar og svogeren min som
er godt kjent i området tok oss med rundt på mange av det slaget.
Ikkje alle loppisar har så mykje spanande å by på, det var stor variasjon både når det gjaldt utvalg
av varer og orden og reinsemd. Nokre plassar var det nesten ufyselig skittent
og rotete mens andre plassar var det fint og ryddig.

 Eg var for det meste på utkik etter stoff og då helst retrostoff.
Fann vel ikkje så veldig mykje hjartebankstoff, men dette fekk i allefall blodet til å bruse litt ekstra:)
Synest det er så fint med desse herlege figurane i ein morsom strek.
Lurer på om eg har sett det før.... er det hos deg kanskje, Elisabeth?



 To smale gardinlengder fann eg av dette fine stoffet.



 Dette likar eg også veldig godt.
Det er eit dynetrekk i litt tynn kvalitet.



 Denne gardinlengda fann eg på 
loftet i ein usannsynleg rotete og skitten låve.
Men 10kr. er iallefall ein akseptabel pris.

"Jahaa... jaaaa...jag tenker vi sejer tio kronor....
då bliver det så bra... ja-haa..."
sa den langhåra og skjeggete mannen som sat bak disken
og tok livet veeeldig med ro.

Prisnivået var eit heilt anna enn det
eg er vand med her i distriktet i allefall.
Dynetrekk låg stort sett mellom 10 og 20kr og putetrekk
mellom 5 og 10.



 Også eit herleg dynetrekk i litt tynn kvalitet.



 Kjøkengardin i flott mønster.



 Fann også eit par kjekke mønster.



Og her er heile herlegheita samla!
Litt av ein stabel dette!

Så i dag har vaskemaskina jobba jamt og trutt
og ei flaske eddik har gått med til luktfjerning.

Vert definitivt ikkje siste loppisturen 
til Sverige dette. Det ga absolutt meirsmak!
Litt langt å køyre då....13-14 timars køyring på ein dag er litt i meste laget.
Med med mange korte stopp undervegs og ein dyktig
sjåfør bak rattet gjekk det veldig fint.


Ønsker deg ein fin søndag.
Eg er som vanleg på plass i Postkjellaren
i morgon.....ferie eller ei :)



2 kommentarer:

  1. Så heldig du har vært - det barnestoffet var superskjønt. Jeg har nok dessverre ikke det, men jeg har sett det hos noen andre jeg også - husker ikke hvor :) Ja, brukte stoff er stort sett billigere i både Sverige og Danmark. Jeg hadde store forhåpninger da jeg var i Sverige, men tror det er for mange andre der som liker slike stoffer, i alle fall sør i landet der jeg var. Dermed fant jeg ikke et eneste ett. Loppis fant jeg heller ikke. De jeg så langs veien, var oppe bare på søndagen. Hørtes supert ut å få hjelp av en som var kjent der. Håper du nyter ferien :)

    SvarSlett
  2. Høyrdest ut som den perfekte ferienfor dokke! Spennande å sjå kva du lagar av stoffa. Du er flink altså!!!

    SvarSlett

Kommentarar gjer meg kjempeglad!

På grunn av veldig mykje spam måtte eg desverre stenge av for anonyme kommentarar. Vil du meg noko kan du berre sende meg ein mail på postkjellaren@hotmail.no