onsdag 17. september 2014

Vellukka kulturminnedag og takk for i år.

Sist søndag markerte Postkjellaren Kulturminnedagane
med ei spesiell utstilling, blant anna symaskiner og gamalt handarbeid.
Det vart ein svært vellukka dag med mange besøkjande,
 både ynge og eldre kom for å sjå på utstillingane.

 Denne utruleg flotte symaskina var eg så heldig
å få låne frå nokon i bygda til utstillinga. Det er ei Grover&Baker symaskin frå rundt 1880.
Synest den er fantastisk flott og dekorativ!


 Her står den eldste og yngste maskina i utstillinga.
Desse maskine skil det nesten 130 år! Artig å sjå at prinsippet er det same.
Den nyaste er den maskina eg bruker til dagleg. Då eg kjøpte den for 6 år sidan dreiv
eg mykje med lappeteknikk difor kjøpte eg ei quiltemaskin. Den har mykje bra ekstrautsyr som er
kjekt å bruke sjølv om eg ikkje quiltar så mykje lenger.


 Og her er fruen i sitt rette element - blant gamle og nyare symaskiner iført 
svigermors handlaga kjole frå ca.1955. Var så heldig å finne eit bilde av henne med kjolen på som var datert til 1955. Svigermor er desverre ikkje blant oss lenger så eg synest det var ei ære
 å kunne bruke kjolen hennar i 2014. Måtte fikse litt på den men ikkje mykje. 
Kjenner ikkje til om ho laga den sjølv eller fekk den sydd.


Her er svigermor med kjolen på. I 1955 var ho 27 år.
 Svigermor var ei arbeidsom dame som aldri klaga på noko slag.
Ho hadde glimt i auge og latteren var aldri langt unna. Ho var utruleg gjestfri
og elska å få besøk.  Ingen fekk fare derifrå utan å få kaffi og kaker først!
Ho forlet oss så alt for fort og uventa.....



 Litt av handarbeida som var med i utstillinga.
Den flotte barnebunaden er frå 1920-åra og den arva mi mor frå ei tante som døde ung.
Dotter mi brukte den då ho var jente.



 Det gjekk unna med kaker.
Veret var fantastisk flott med sommarlege temperaturar
så gjestane kosa seg både vel og lenge ute på den fine terrassen vår.




Dette var eit hyggeleg og annaleis arrangement som absolutt gav meirsmak.
Årets tema som var "Ei reise i tid - 200 års samfunnsutvikling"
passar godt til Postkjellaren sidan post- og teleutstillinga
står der allereie.


Men no er sesongen definitivt over for i år
og det kjenner eg er godt. Same kor kjekt det er så vert sommaren
ganske hektisk for meg og mannen. Han er min trufaste hjelpar og støttespelar i tjukt og tynt
og utan hans hjelp hadde dette vore vanskeleg å gjennomføre.
Så ei stor takk til han som alltid stiller opp og er med
på ALLE mine sprø påfunn!

Takk også til mine gode foreldre som alltid er der
og bidreg med alt frå vasking til mat! Imponerande når ein tenkjer på
at begge er over 80 år! Glad i dokke:)

TAKK FOR I ÅR!



4 kommentarer:

  1. Dette såg virkeleg interessant ut. Bra det kom mange og såg utstillinga.
    Fin kjole du har på deg på bildet, spesielt fint at den var svigermor di sin. Du skriv så fint om både
    henne og dei andre du har rundt seg.
    Vel overstått sommaraktivitet. Men sommaren slepp ikkje taket så lett ser det ut til, og det er heilt greit for meg ;)

    Klem frå Anne-Mari

    SvarSlett
  2. Så koselig innlegg!
    Flott utstilling og så gøy med kjolen!
    Dere er flotte i kjolen begge to!
    Koselig at den er tatt vare på i disse tider da det meste skal kastes...
    Er så gledelig at noen tar vare på slike saker:)
    Ønsker deg ei flott helg!
    Her har det vært uvær i går og natt, med lyn, torden, vind og masse regn...kjekt da å ha mange prosjekter inne:))

    SvarSlett
  3. Så tøff og stilig symaskin! Veldig koselig kjole du har arvet etter din svigermor! :) Jeg er glad i kjoler selv. Går omtrent aldri i bukser. Fine og koselige bilder! Heldige gjester.
    Ha en fortsatt god høst! :)
    Klem fra Lisa

    SvarSlett
  4. Hei Alva!
    Og takk for din hilsen!
    Så leit å høre at du er blitt dårlig,
    så jeg måtte bare innom for å ønske deg god bedring.
    Håper du får hvilt deg,og slappet av, slik at du snart er tilbake:)

    Varm klem med god bedring ønskes fra meg!

    SvarSlett

Kommentarar gjer meg kjempeglad!

På grunn av veldig mykje spam måtte eg desverre stenge av for anonyme kommentarar. Vil du meg noko kan du berre sende meg ein mail på postkjellaren@hotmail.no