tirsdag 3. mars 2015

Pute, lakserosa dille og supert bruktfunn.

Vips så har det gått 3 veker sidan forrige innlegg.
Har sydd litt i denne tida, men ein del av det kan ikkje bloggast.... endå i allefall.
I tillegg har eg slitt med vond nakke og hovudverk og det er ikkje foreneleg med sying alltid.
Tilslutt måtte eg krype til korset og bestille meg time hos kiropraktor så får vi
sjå om han kan lette litt på trykket.


Eg har forelska meg i ein ny farge siste tida - lakserosa.
Det skuldast kjøp av fargerike te-lys som inneheldt bl.anna den fargen.
Og då måtte eg ha ei plante som passa til og lukka var stor
då eg fann ei primula obconica i heilt rette fargen.

Denne planta kunne eg ikkje handtere tidlegare, eg fekk 
voldsomme utslett av den. Den inneheldt eit stoff som kunne irritere huda og gi kløande utslett.
Og det vart eit lite problem når eg jobba i blomsterbutikk.
Men det stoffet er no fjerna frå planta så det er heilt trygt å handtere den.




Og som kjent dreg det eine det andre med seg.....
eg måtte også ha ei pute i sofaen som tok igjen den lakserosa fargen.
Dermed var det berre å ta eit djupdykk i stofflageret mitt og komponere i hop ei pute.
Synest strameibildet hadde så fine fargar så eg tok det som utgangspunkt.


Litt kitch kanskje men likte den likevel eg:)




Og som om ikkje det var nok dukka denne duken fram frå kistebotnen.
Duken er arv etter svigermor og fargane kunne ikkje vere meir perfekte.



 Har du sett slik ein herleg symfoni!




Og så må eg vise mitt siste bruktfunn!
To slike stolar kom eg over på ei lokal kjøp-og salg gruppe på facebook og heldigvis
vart dei mine til ein veldig grei pris. 

Har lenge vore på jakt etter eit par slike stolar men det har vore vanskeleg 
å finne to som var like og i brukbar stand. Så no er eg kjempefornøgd!
Det er meininga å trekke dei om etter kvart men enn så lenge får dei vere slik. 
Dei stolane vi hadde frå før var av nyare dato men eg har aldri vore heilt fornøgd med dei.
Synest dei var både klumpete og plasskrevjande. Eg la dei ut på ei kjøp-og salgs gruppe og vart kvitt dei på 5 minutt for det same som eg ga for desse. Så då er alle fornøgde:)



Stolane passar perfekt til sofabordet vårt som kan trekkast ut til
nesten dobbel størrelse. Veldig praktisk!

Diggar gjenbruk:)

Ønsker deg ein fin kveld!

Klem frå Alva.

3 kommentarer:

  1. Takk for tipset om planta. Då kan eg kanskje prøve ei eg også då. Har aldri tolt dei så eg skygga unna.
    Fine desse påfunna dine, du er utruleg kreativ.
    Stolane er noko kjent med, trur dei er lik dei me hadde i våre første år som familie. Skal tru kvar dei vart av...

    Klem frå Anne-Mari

    SvarSlett
  2. Gammelrosa er en fin farge. Vi har akkurat kjøpt oss nytt salongbord, det kan gjøres dobbelt så stort og kan også heves/senkes. Utrolig praktisk! Håper formen din blir bedre, slik at du orker å kose deg med symaskinen! Jeg ligger utslått i forkjølelse nå, men det går nok snart over. Mest lei av hosting.

    SvarSlett
  3. Så flott gjenbruk!
    Herlige puter, og alt fra puter til lys og blomster står så fin sammen!
    Så heldig du var med stolene, ser nye ut jo, og disse er gode å sitte i også:)
    Et likedan bord hadde min oldemor som bodde hos oss, smart at det går å trekke de ut, og den hylla under.
    God bedring med nakke og hodeverk!

    Ønsker deg ei flott helg!

    SvarSlett

Kommentarar gjer meg kjempeglad!

På grunn av veldig mykje spam måtte eg desverre stenge av for anonyme kommentarar. Vil du meg noko kan du berre sende meg ein mail på postkjellaren@hotmail.no