onsdag 23. september 2015

Heldige meg!



For ei tid tilbake fekk eg spørsmål om eg ville kome
på eit medlemsmøte i husflidlaget i nabobygda og snakke om gjenbruk og redesign.
Slikt er no alltid litt skummelt å seie ja til, for eg har ikkje så mykje erfaring når det gjeld slike ting.
Men eg sa ja sidan dette er noko eg brenn veldig for.


Eg hadde med meg litt av det eg har laga for å vise korleis ein kunne
nytte f.eks gamle broderi og heklabrikker, dukar og gardiner osv.


Må sei eg synest det var litt nifst - damene troppa opp forventningsfulle til kvelden
og eg lurte på kva i alle dagar eg kunne bidra med til alle desse flinke handarbeidsdamene!
Det gjekk greit sjølv om eg ikkje var heilt fornøgd med min eigen innsats. Hadde tenkt ut kva eg 
skulle seie, men eg har litt problem med hukommelse og konsentrasjon for tida så 
halvparten gløymde eg. Men damene var hyggelige og interesserte 
så det vart ein veldig kjekk kveld likevel.


Som takk for at eg stilte opp fekk eg ein heil pose med nydelige vintage og retro stoff!
Snakk om å vere heldig! Det vart reine julafta då eg drog det eine stoffet flottare enn det andre
opp av posen! Har allereie planar for fleire av stoffa men først må eg få
hovudet på plass igjen.

Stoffet på første bildet er knallfint og ropte etter å verte ei skulderveske -
det er heilt perfekt til det for det er litt kraftig. Elskar fargane....
orange og rosa er berre sååå fint i lag!



Dette stoffet er eit kraftig og godt jersey stoff.
 Berre diggar det! Nydelig fargekombinasjon, og det fine mønsteret då! 
Skal tru om det blir ein kjole til meg sjølv?
Får sjå....trur det blir vanskelig 
å sette saksa i dette....


Blir lite blogging frå denne kanten for tida....
men som sagt så har eg nokre utfordringar så det blir ikkje så mykje sying heller.
Men eg har nokre fin fine bruktfunn eg har lyst å vise så det blir nok eit
innlegg til om ikkje så alt for lenge:)


Til då....ha det fint og ta vare på kvarandre!

Helsing Alva.

3 kommentarer:

  1. Sikker på at du holdt et supert foredrag om gjenbruk, men det er rart med det når man plutselig står foran mange folk. Fikk kjenne på det da jeg var i en valgdebatt her i kommunen for ei stund siden. Måtte snakke i mikrofon også med mange folk som hørte på - veldig skummelt :)
    Dåner helt av de skjønne stoffene dine. Ja, du må sy deg kjole av det nydelige stoffet, og veske av det andre. Jeg tenkte helt det samme som deg om det :) :)
    Ønsker deg god bedring - håper det ordner seg for deg - stor klem :)

    SvarSlett
  2. Kor flott at du stilte opp.Du har masse å bidra med så dette er eg sikker på gjekk fint..
    tusen takk for fine ord til meg.

    Klem frå Anne-Mari

    SvarSlett
  3. Kære Alva,
    Hvor er det bare godt gået af dig at stille op til sådan et foretagende - respekt! Det er ikke altid nemt at skulle tale foran andre mennesker...og slet ikke folk, som man ikke kender. Dejligt at det alligevel blev en positiv oplevelse; jeg er sikker på, at du har været ganske inspirerende. Og sikke nogle FINE gaver du fik - wow!
    Håber at du også passer rigtig godt på dig selv - og held og lykke med at tackle dine udfordringer. Ser frem til dine indlæg her på bloggen, når du er klar igen ;-)

    KH Lilly

    SvarSlett

Kommentarar gjer meg kjempeglad!

På grunn av veldig mykje spam måtte eg desverre stenge av for anonyme kommentarar. Vil du meg noko kan du berre sende meg ein mail på postkjellaren@hotmail.no