Sesongopning 2015

Komande helg er det altså klart for sesongopning i Postkjellaren.

Då er det "Midsumardagar" og mange aktivitetar i bygda. 

Programmet finn du nederst i innlegget.

Her er nokre bilder frå årets utstilling:

Den gamle kommoden fekk eg min far og mann til å slepe ned frå loftet!

På grunn av gammalt hus med kroglete og bratte trapper måtte den berast ned utandørs

via terrassedøra, ned ei trapp, bortover plenen og opp ei trapp, ned ei braut, innover vegen og oppatt ei trapp og inn i postkjellaren! Eg er imponert og takksam for at desse kjekke karane er med på alle mine ville idear. Og ikkje minst takk til mi kjære mor som "ofra" kommoden på gjesterommet fordi

eg MÅTTE ha den ned i kjellaren! 

 Men jammen vart det fint då! 

Synest den passa perfekt der under vinduet.

Stigehylla ved sidan av er meir moderne og eit bruktkjøp, men synest likevel den passa godt inn.

Og veldig fin til å stille ut i.

Nåleputer av broderte brikker.

 Alva og Klara sit høgt på strå.

Alva i dåpskjole og Klara i  strikka Marius-sett.
Skjørta på dåpskjolane er laga av eit gammalt blondeskjørt.
Overdelane  og luene er frå gardinkapper.
Berre gjenbruk altså:)

 Og her er Oskar i den gamle barnestolen med 

herlege smekker i gjenbruksstoff.

Oskar er babydokka til dotter mi.

Både han og Klara fekk sine namn av henne i det ho pakka dei ut då ho fekk dei i 4-5 års alderen.

Ho hadde visst namna klar av ein eller anna grunn.

Synest alltid det er så vanskeleg å ta gode bilde av utstillinga.

Synest det ser så rotete ut på bilda......

Unik veske laga av klokkestreng med lomme av ein hekla prøvelapp

og tova tøfler med hekla pynt.

Eg er veldig takksam for den hjelp eg får av familien no sidan forma mi er slik som den er.

Særleg min gode husbond fortjener ei stor takk fordi han alltid støttar meg - uansett!

Utan den hjelp og støtte hadde eg ikkje klart ein ny sesong.

Så ei varm takk til dokke alle som er der for meg!

Og takk for alle gode helsingar i forrige innlegg!
Set stor pris på kvar og ei:) 

Her er programmet for helga:

Postkjellaren har altså ope både laurdag og søndag kl. 12-17 denne helga.

Opningstidene resten av sommaren vert søndagar kl. 13-17.

Velkomen til Bjørke!

Fin - fine bruktfunn

Det er lenge mellom kvar gong eg finn skikkelige godbitar på bruktbutikken no for tida.

For nokre veker sidan flytta den lokale bruktbutikken frå eit litt avsideliggande og veldig uoversiktelig lokale over to  etasjer. Der var ganske rotete og fullt overalt. No har dei flytta til eit lokale der det var ein daglegvarebutikk før med alt på ei flate og mykje meir oversiktelig.
Og mykje nærare meg! Eg ser faktisk butikken frå stoveglaset mitt:)

 Minuset er at besøkstala har eksplodert sidan dei ligg så sentralt rett ved ei ferdselsåre

og dermed forsvinn varene fortare ut og det er vansklegare å finne
det ein jaktar på.

Men eg har likevel funne nokre godbitar i det siste.

 Blant anna dette dynetrekket i deilige fargar.....

eit skjønt barnesengesett med dei finaste Donald-figurar på.....

......og ikkje minst denne herlege barneboka frå 1975!

Den har slike fantastisk flott teikningar at eg blir nesten heilt bergteken!

Historiene er kanskje litt naive og ikkje heilt "up to date" 

(og med aldri så lite moral), men litt morsomme likevel:)

Dåååån seier eg berre!

Dei flotte teikningane er laga av F. Kuhn. 

**************

Langt mellom innlegga herifrå no......

verken bloggelysta eller forma er på topp for tida.
I tillegg slit eg med å få legge inn bilde på pc-en -  det tek så utruleg lang tid
for eg får berre feilmeldingar heile tida og må starte på nytt.

Neste helg opnar Postkjellaren for sesongen.
Eg har vore litt i tvil om eg orkar ein sesong til.....men ved hjelp av kjekke
og hjelpsomme familiemedlemar ser det ut som det skal gå. 

Eg er ikkje alvorleg sjuk men har nokre
helsemessige utfordringar.

Skal prøve å få lagt ut nokre bilde frå Postkjellaren neste veke.

Ha det fint så lenge!

Klem frå Alva.